Plizyè santèn Nouyòkè te resevwa yon dezyèm chans lè yo te fè yo anile sitasyon ak manda pandan yon efò de jou yo rele Pwojè Safe Surrender, yon pwogram kominotè ki gen ladan l Sosyete Èd Legal la, Biwo Avoka Distri Konte Kings la, Biwo Administrasyon Tribinal Eta Nouyòk la ak yon kantite legliz nan Bedford Stuyvesant.

Yo te etabli Inite Jistis Kominotè Èd Legal la kòm yon pati nan Gwoup Travay Konsèy Vil Nouyòk la pou Konbat Vyolans Zam. Jodi a, anplwaye Inite Jistis Kominotè a ap travay sou teren nan katye atravè vil la, pou ede moun jwenn dosye kriminèl yo epi sele dosye kriminèl yo, bay konsèy legal, ede Nouyòkè yo ak pwoblèm lojman, pataje enfòmasyon sou Konnen Dwa w, epi tou li jere yon liy dirèk 24 sou 24, 7 jou sou 7 pou ijans legal.