Sosyete Èd Legal la te depoze de (2) rezime amikus pou sipòte plizyè dizèn milye elèv andikape nan Vil Nouyòk ki pa t resevwa sèvis edikasyon espesyal obligatwa pandan peryòd aprantisaj a distans COVID-19 la e pakonsekan sèvis konpansatwa ki te merite yo. Premye rezime a te pou sipòte Opozisyon Demandan yo kont Mosyon Rejè Defandè yo. Tribinal distri a te deside apre sa ke elèv yo pa t fin itilize tout rekou administratif yo anvan yo te depoze pwosè a. Nan rezime amikus nou an bay Dezyèm Awondisman an, nou te diskite ke ka Demandan yo te tonbe klèman anba eksepsyon pou epuizman. Nan mwa fevriye 2023, Dezyèm Awondisman an te anile lòd epuizman tribinal ki pi ba a epi li te voye ka a tounen pou plis pwosedi. Litij la toujou ap dewoule.