Sosyete Èd Legal la te depoze yon pwosè ansanm ak lòt òganizasyon defans piblik nan Vil Nouyòk pou anpeche desizyon prese prese, danjere, ak inilateral Biwo Administrasyon Tribinal la (OCA) pou rekòmanse konparisyon an pèsòn, ki pa ijans, nan Tribinal Kriminèl Vil Nouyòk la. Pwosè a te diskite ke pwopozisyon OCA a te vyole Lwa Ameriken sou Andikap yo lè li prive plizyè milye moun ki gen vilnerabilite medikal oswa lòt andikap opòtinite pou chèche epi ede devlope aranjman nesesè nan men Tribinal la. Desizyon an te fòse moun yo chwazi ant sante yo ak libète yo, paske si yo pa t ale nan tribinal, yo te ka gen yon manda epi potansyèlman nan prizon.

Nan dat 28 Jiyè 2020, yon jij federal te rejte mosyon nou an pou yon enjonksyon preliminè epi li te evite jije merit reklamasyon nou yo sou baz federalis.